Богдан Милич: "Суперлига сари яна бир катта қадам ташладик"

“Андижон” жамоамиз про лиганинг 21-турида “Бухоро”ни қабул қилиб, 2:1 ҳисобидаги муҳим ғалабани қўлга киритди. Учрашувда биринчи гол муаллифи бўлган Богдан Милич ўзидан яхши таассурот қолдирди.

Черногориялик легионер “Бухоро”га қарши ўйин ва “Хоразм” билан бўлажак баҳс тўғрисидаги фикрларини айтиб ўтди.

“Жуда оғир ўйин бўлди. Шунга қарамасдан биз яхши ўйнадик. Биринчи бўлимда 3-4 та голли вазиятларни содир этдик. Лекин фойдалана олмадик. Мен гол урган вазиятда узатма жуда қулай тарзда етказилди. “Бухоро” ҳам яхши ўйин намойиш этди. Аммо биз улардан кўра яхши ўйин кўрсатдик. 2-бўлимда бироз бўшашдик. Аниқроғи, ўзимда ҳам жисмоний ҳолатим яхши эмас эди. Сабаби жароҳатдан кейин энди тиклангандим. Фақат 3 кун машғулотларда қатнашдим, холос. Шундай бўлса-да, яхши ўйин кўрсатиб, ғалаба қозондик ва Суперлига сари яна бир катта қадам ташладик.

Биз охиригача курашамиз. Олдинда сафарда “Хоразм” билан ўйинимиз турибди. Олдинги сафар ютқазиб қўйгандик. Бу баҳсда ғалаба қозонамиз, деб ўйлайман. Шундан кейин ҳаммаси янада яхши бўлади”, - дейди Милич.

“Андижон” матбуот хизмати.