Бокс. Яна уч нафар ҳамюртимизнинг ярим финалдаги жанглари якунланди

Хабарингиз бор, Польшанинг Варшава шаҳри "World Boxing" ташкилоти кубоги баҳсларининг иккинчи босқичига мезбонлик қилмоқда.

Самандар Олимов -60 кг вазнда бўлиб ўтган ярим финалда, италиялик Микеле Бальдассига ҳакамларнинг қарорларига кўра 2:3 ҳисобида мағлуб бўлди.

-70 кг вазнда Гофуржон Тоҳиров мезбон Цезарий Знамецга 0:5 ҳисобида имкониятни бой бериб, мусобақани учинчи ўринда якунлади.

-75 кг да Фазлиддин Эркинбоев очколар эвазига Англия вакили Кайл Шав-Туллиндан устун келиб, финал йўлланмасини қўлга киритди.

Шу тариқа ҳамюртларимиз иштирокидаги бугунги баҳслар ўз ниҳояисига етди.