Дортмунднинг “Боруссия” клуби “Валенсия” ярим ҳимоячиси Ферран Торресни сотиб олишни кўзламоқда.

Маълумотларга қараганда дортмундликлар скаутлари “Валенсия” – “Севилья” (1:1) учрашувига ташриф буюришган ва 19 ёшли испаниялик футболчининг ҳаракатларини кузатиб боришган. Улар Торресни сўнгги пайтларда харидори анча кўпайиб қолган ва шу боис жамоадан кетиши мумкин бўлган Жейдор Санчонинг ўрнига муносиб кўришмоқда.

Маълумот учун, Торрес жорий мавсум Ла Лигада 10 та ўйинда майдонга тушди ва 1 та голли узатмага муаллифлик қилишга эришди. Унинг “кўршапалаклар” билан амалдаги шартномаси 2021 йилга қадар имзоланган.