"Боруссия" футболчиси Мбаппе ва Холандни таққослади

"Боруссия Дортмунд" футболчиси Тома Менье Килиан Мбаппе ва Эрлинг Холандни солиштирди. Меньенинг айтишича, иккисида ҳам етарлича устунликлар мавжуд.  

"Уларнинг услуби бошқача. Бироқ умумий жиҳатлар ҳам йўқ эмас: тезлик, баланд сакраш, чидамлилик ва икки оёқда ҳам зарба бера олиш. 

Техник томондан Мбаппе устунроқ. Холанд эса тўққизликда зўр ҳаракатланади. У еттинчи ёки ўн биринчи рақам эгаси бўла олмайди. 

Иккаласи ҳам катта устунликларга эга. Лекин Килианнинг ўзига хос хусусиятлари бор.

Эрлинг учун жамоа бўлиши шарт. Мбаппе эса туғма истеъдод соҳиби", - деди бельгиялик ҳимоячи.