Бўш келма, йигит! Неймар устозига бош кўтарган Антонини қўллади!

ПСЖ ҳужумчиси Неймар “Манчестер Юнайтед”да ўйнаётган ҳамюрти Антонини қўллаб-қувватламоқда.  

Гап шундаки, манчестерликлар бош мураббийи Эрик тен Хаг Антони майдонда ортиқча финт ишлатишини танқид қилганидан кейин, ёш юлдуз устозига бош кўтариб, ҳар бир бразилиялик каби ўз санъатини ташламаслигини уқтирганди.

- Худди шундай давом эт, ўйинингни ўзгартирма! Умуман бўш келма, йигит! Жасорат ва қувонч ҳамроҳинг бўлсин, - деди Неймар.

Таъкидлаш жоизки, Неймарнинг ўзи ҳам майдонда алдамчи ҳаракатларни жуда кўп ишлатади. Айримлар уни рақибни калака қилаётганликда айблайди. Неймар эса, танқидларга парво қилмай ўз билганидан қолмайди.