Breaking! Diasning otasi ozod qilindi

"Liverpul" a’zosi Luis Diasning otasi Luis Manuel Dias ozodlikka chiqdi. U Serrania del Perijadagi La Guajira o‘rmonlarida asirlikda edi. Operatsiya Birlashgan Millatlar Tashkilotining ko‘magida amalga oshirildi, chunki BMT o‘g‘irlashni amalga oshirgan ELN partizanlari bilan tinchlik muzokaralarida kafil bo‘lgan tashkilotdir.

Diasning otasi ozod qilingan joy la Guajira departamentining janubidagi El Salado qishlog‘ida bo‘lib, u erda unga birinchi tibbiy yordam ko‘rsatildi va uning sog‘lig‘i yaxshi ekanligi aniqlandi. Ayni paytda Manuel xavfsiz joyda. 

O‘g‘irlash Barrankas munitsipalitetida, Don Luis va uning rafiqasi tarvuz sotib olish uchun to‘xtaganda sodir bo‘lgan; Shu payt ularni mashinada o‘g‘irlab ketishgan. Biroq jinoyatchilarga yo‘lda mahalliy politsiya xodimlari hujum qilishgan va mashina qolib ketgan. O‘sha paytda Silenis Marulanda (Diasning onasi) qutqarildi.

Jinoyatchilar Perija o‘rmonli tog‘ tizmasi tomon qochib ketishgan. Bu esa qidiruvni qiyinlashtirdi va Manuelning ozodlikka chiqishini 13 kutishga to‘g‘ri keldi. Mamlakat odamlari bu vaqtda Diasning otasi ozodlikka chiqishini talab qildi. 

Luis Diasning otasining o‘g‘irlanishi umuman o‘z-o‘zidan bo‘lmagan. Tekshiruvlar natijasi shuni ko‘rsatadiki, kamida bu besh oy davomida reja qilingan. Ammo hozirda xavotirga o‘rin yo‘q, ular eson-omon uyga qaytishgan. 

Dias bu paytda jamoasini vaqtincha tark etib, Kolmubiyaga borib keldi. Futbolchi tarkibga qo‘shilishi bilanoq, maydonga tushishga qaror qildi va "Luton"ga qarshi bahsda zaxiradan o‘yinga qo‘shildi. Shu bilan birga, vinger jamoasini mag‘lubiyatdan qutqarib qoldi. Golni nishonlash paytida Luis otasini ozod qilishlarini so‘radi.