Бу форвард бизга ҳам керак эмас!

Португалия терма жамоаси ҳужумчиси Рафаэль Леау бу ёзда “Милан”ни тарк этишга тайёргарлик кўрмоқда. Унинг агентлари футболчига янги жамоа топиш илинжида хизматларини турли клубларга таклиф қиляпти.

Марко Варини маълумотига кўра, португалиялик футболчининг хизматлари “Пари Сен-Жермен”га ҳам таклиф қилинган.

Бироқ парижлик клуб ҳужумчини сотиб олишдан воз кечган.

Фақат “Барселона” ва Англия Премьер-лигасининг бир нечта қизиқиш билдирган жамоалари футболчи учун таклиф билан чиқишга тайёр.

Рафаэл Леау 2019 йилда “Лилль”дан “Милан”га 49 миллион еврога ўтган эди. Унинг шартномаси 2028 йилнинг 30 июнигача мўлжалланган.

Жорий мавсумда ҳужумчи “Милан” сафида барча мусобақаларда 28 та ўйин ўтказиб, 10 та гол урди ва учта голли узатма берди. Transfermarkt портали Леаунинг қийматини 65 миллион евро деб баҳоламоқда.