Бу футболчини қимматга сотамиз!

ПСВ клуби 23 ёшли ҳужумкор футболчи Коди Гакпо бўйича “Саутгемптон”нинг биринчи таклифни қабул қилмади.

Аслида Гакпога “Манчестер Юнайтед” асосий даъвогар ҳисобланган эди. Манчестерликлар сўнгги паллада бор эътиборини “Аякс” ҳужумчиси Антонига қаратиб, уни 100 миллион еврога олишни уддалади.

“Саутгемптон” Гакпо трансфери бўйича расмий сўров юборган биринчи жамоа бўлди. “Авлиёлар” Коди учун 21 миллион фунт таклиф қилганди.

ПСВ бу сумма истеъдодли ўйинчи учун камлик қилишини билдирди. Нидерландияликлар ўз ўйинчисини камида 25 миллион фунтга баҳоламоқда. Гакпо атрофидаги вазиятни “Арсенал” ҳам кузатиб бормоқда