Бу ишни фақат Месси уддалади

ПСЖ юлдузи Лионель Месси ажойиб кўрсаткич қайд этди. Аргентиналик футболчи кучли бешлик чемпионатларида бир мавсумда 20 тадан гол ва ассист муаллифи бўлган ягона ўйинчига айланди.

Франция чемпионатининг 36-турида парижликлар сафар учрашувида “Осер” билан куч синашиб, 2:1 ҳисобида зафар қучди. Килиан Мбаппе урган иккита голдан биттасига Лионель Месси ассистентлик қилди.

Лионель Мессига 20 тадан гол ва ассист қайд этиш учун барча турнирларда 39 та урашув кифоя қилди. Европанинг кучли бешлик лигаларида бирорта футболчи бундай натижа қайд эта олмаган.

Шунга қарамай, аргентиналик жаҳон чемпиони келаси мавсумда ПСЖда қолиши мавҳум бўлиб турибди. Тез орада эркин агентга айланадиган Месси ҳали келажаги борасида бир қарорга келгани йўқ.

Фикрлар

Фикр қолдириш учун авторизациядан ўтинг!