Бу клуб Шомуродовдан воз кечгани йўқ!

“Рома” учун муваффақиятли якунланган мавсумдан кейин ушбу клубнинг кўплаб ўйинчиларига бошқа клублардан жиддий таклифлар келиб тушмоқда.

“Рома”даги дебют мавсумида бешта гол ва олтита ассист қайд этган Элдор Шомуродов ҳам бундан мустасно эмас. Легионеримизга бутун мавсум давомида Италия, Германия, Франция, Испания ва Туркия клубларидан чорлов бўлгани  ҳақидаги хабарларнинг кети узилгани йўқ.

Италиянинг https://footballnews24.it  нашри Туркия Суперлигасидаги мавқеини тиклашга уринаётган ва Чемпионлар лигаси йўлланмаси учун курашишни мақсад қилган “Галатасарой” Шомуродовни олиш фикридан қайтмагани ҳақида маълумот тарқатди.

Ушбу машҳур клуб бош мураббийи Окан Бурук Шомуродовдан асосий ҳужумчилардан бири сифатида фойдаланмоқчи экани айтилмоқда.

“Галатасарой” римликлардан ўзбек футболчисини ижарага беришни сўраяпти. Бу вариант “Рома” учун ҳам мақбул ҳисобланади. Чунки Жозе Моуриньо талабига кўра, клуб Шомуродов трансфери учун 18 миллион евро сарфлаган.

Ҳозир эса, ҳужумчимизнинг нархи анча пасайган ва 8 миллион еврони ташкил қилмоқда. “Рома” Шомуродовни зарарига сотмайди ва ижарада ўйнаб, яна нархи кўтарилишини кутади.

Элдорга мунтазам ўйин амалиётига эга бўлиш муҳим. “Рома”да бунга эришиш қийин. Моуриньо фақат Тэмми Абрахамга ишонч билдиряпти. Бундан ташқари, Моуриньо англиялик тўпурар билан елкама-елка ўйнайдиган бошқа ҳужумчи олиб келишни талаб қилмоқда.

“Рома” кутган ўйинчининг нархи тушди

Жозе Моуриньо “Сассуоло”да ўйнаётган Рим клуби тарбияланувчиси Давиде Фраттезини ортга қайтариш бўйича кўрсатма берган.

Сассуололиклар ўз етакчисини 35 миллион еврога баҳолаётган эди. Кейинчалик клуб мутасаддилари бу суммани 27 миллион еврога туширди.

“Рома” футболчини 20 миллион еврога баҳоламоқда. Бундан ташқари, римликларда ўз тарбияланувчисининг кейинги трансферидан 30 фоиз улуш бор.

Демак, Фраттези жамоасини алиштиришга кўнса, бўлажак трансфердан Рим клубига улуш олади. Агар Давидени “Рома”нинг ўзи сотиб оладиган бўлса, трансферга 30 фоиз кам тўлайди.

Ҳисоб-китобларга кўра, ўйинчи “бўрилар”га 23-24 миллион евро атрофидаги маблағ эвазига қўшилиши мумкин.

Бундан ташқари, “Сассуоло” спорт директори Карневали римликларни трансферга Эдоадо Бовени қўшиш сўраяпти. Моуриньо эса, бу ўйинчини жамоада қолишини таъкидлаган. Унинг ўрнига Вольпато ёки Феликсни олишни таклиф қиляпти.

“Рома” французларга ўйинчи жўнатди

“Рома”нинг 21 ёшли ярим ҳимоячиси Эбрима Дарбо фаолиятини Франция чемпионатида давом эттирадиган бўлди.

Манбаларнинг таъкидлашича, истеъдодли футболчи ижара асосида “Лилль” шарафини ҳимоя қилади. Куни кеча бу клубга бош мураббий этиб Паулу Фонсека тайинланди. Португалиялик мутахассис Моуриньодан олдин “Рома”ни бошқарган эди.

Дарбонинг трансферида айнан унинг қўли бор. Гвинеялик футболчи тез орада Францияга жўнаб кетади.

“Лилль” мавсум охирида Эбрима Дарбонинг трансфер ҳуқуқини сотиб олиш имконига ҳам эга бўлади.

Дарбо ўтган мавсум атиги бешта учрашувда майдонга тушиб, битта голли пас узатди холос.

Ўруновнинг ишлари юришиб кетди. Остонга Москва клуби ҳам харидор!

Европа клуби ўзбек футболчисига “клиент” қидиряпти!

Шомуродовни "Рома"даги дўсти билан бошқа суперклубда кутишяпти!

Шомуродовга рақобатни бой берган ҳужумчи “Реал”да Бензема ўрнини эгаллайди!