Бу ўйинчини “Реал”га олмаймиз!

Испаниянинг амалдаги чемпиони “Реал” ёзги трансферлар вақтида жамоанинг ҳимоя чизиғини кучайтириш учун янги ўйинчилар олади.

Мадридликлар “Тоттенхэм”да ўйнаётган Педро Поррони трансфер қилиш имкониятларини ўрганиб чиқди.

Diario AS нашрининг маълум қилишича, Лондон клуби 25 ёшли ҳимоячи учун белгилаган нарх испан клубига ёқмаган. “Реал” 70 миллион евро Порро учун қиммат, деб ҳисобламоқда ва ўйинчи учун курашдан чиқди.

Энди “Қироллик клуби” бор эътиборини “Ливерпуль” вакили Трент Александер Арнольдга қаратади. Чунки англиялик футболчи ёзда эркин агентга айланади ва уни жамоага бепул қўшиб олиш мумкин.