Бу Роналдудан бошқасининг қўлидан келмайди

2026 йилги жаҳон чемпионатининг Европа қитъаси учун ташкил қилинган саралаш турнирида Криштиану Роналду Португалия терма жамоаси сафида яна ўзининг рекордини янгилади.

Венгрия терма жамоаси меҳмони бўлиб, сафардан 3:2 ҳисобидаги ғалаба билан қайтган португалияликлар Роналду гол урган ҳар бир баҳсда  янги рекорд гувоҳига айланмоқда.

Роналду Венрия терма жамоаси дарвозасига пенальтидан тўп киритди. Бу 40 ёшли ҳужумчи учун халқаро миқёсдаги 141-гол бўлди. Бу кўрсаткич мутлақ рекорд.

Бундан ташқари, Роналду профессионал фаолияти давомидаги расмий учрашувларда 943-тўпини киритди. Бу кўрсаткични ҳозиргача ҳеч ким қайд эта олмаган.

Португалиялик шу голлардан 802 тасини клублар миқёсида, қолган 141 тасини миллий терма жамоада киритган.

Экспертларнинг таъкидлашича, Криштиану расмий ўйинлардаги голлари сонини 1000 тага етказиш ҳаракат қиляпти. Жаҳон футболида мингта гол урган бирорта футболчи йўқ  ва Роналду бу борада биринчи бўлиб, номини тарихга муҳрлаши мумкин.

Криштиану Португалия терма жамоасидаги фаолиятини 2003 йилда 18 ёшида Қозоғистон терма жамоасига қарши ўтказилган ўртоқлик учрашувида бошлаган. Биринчи голини 2004 йилги Европа чемпионатида бўлажак чемпион Греция дарвозасига киритган.