Бу юлдуз учун юз миллион ва битта футболчини берамиз

Англиянинг амалдаги чемпиони «Арсенал» аргентиналик ҳужумчи Хулиан Альваресни ўз сафига қўшиб олиш учун жиддий ҳаракат бошлаши мумкин. 

Испаниянинг машҳур Marca нашри хабар беришича, моҳир форвард келажаги борасида турли вариантларни кўриб чиқмоқда ва улар орасида Англия премьер-лигаси клуби ҳам бор.

Манбаларга кўра, лондонликлар «Атлетико»ни рози қилиш учун катта миқдорда таклиф тайёрламоқда. Хабар қилинишича, «Арсенал» Хулиан Альварес учун 100 миллион евро ҳамда Виктор Дьёкереш трансфери бўйича келишувни таклиф этиши мумкин.

«Атлетико» 26 ёшли форвардни жамоада сақлаб қолиш тарафдори. Шу билан бирга, мадридликлар Испания чемпионатидан ташқари клубдан келадиган таклифларни кўриб чиқишга тайёр экани айтилмоқда. 

Яъни, агар Альваресни сотиш масаласи кун тартибига чиқса, бу, аввало, хориж клублари билан музокаралар орқали амалга ошиши мумкин.

Аввалроқ Хулиан Альвареснинг ўзи «Барселона»га ўтиш истагини яширмагани ҳақида хабарлар тарқалган эди. Бироқ ҳозирча «Атлетико» раҳбарияти «Барселона»га тўғридан-тўғри рақиб сифатида қарайди ва ҳужумчини Каталония клубига сотиш режаси йўқлиги таъкидланмоқда.