Буффон: "Италия чемпионати кучли лигаларга ўтиш учун трамплин бўлиб қолган"

Италия футболи ва "Ювентус" афсонаси Жанлуижи Буффон А Сериядаги футбол даражаси ҳақида фикр билдирди.

"Футбол ўзгарди. А Серия энди аввалгидек футболчилар учун нишон эмас. Энди Италия чемпионати кучли лигаларга ўтиш учун трамплин бўлди. Футболчиларимизнинг АПЛга кетиши ижобий ҳолат ҳисобланади. Шу туфайли улар ўз даражасини оширмоқда", - дея Жанлуижи сўзларини келтиради Beln Sports.

Эслатиб ўтамиз, ўтган мавсум Италия чемпионатида "Наполи" скудеттони қўлга киритган эди. Турнир жадвалида иккинчи ўринни Миланнинг "Интер" клуби эгаллаган бўлса, кучли учликни "Аталанта" якунлаб берди.