Бугун Дмитрий Бивол ва Хилберто Рамирес жанги бўлиб ўтади

Профессионал бокснинг ярим оғир вазн тоифасида (79,3 кг) WBА чемпиони, россиялик Дмитрий Бивол (20-0, 11 КО) ўз камарини мексикалик Хильберто Рамиресдан (44-0, 30 КО) ҳимоя қилади. Бирлашган Араб Амирликларининг Абу Даби шаҳрида жойлашган "Etihad Arena"да бўлиб ўтувчи бокс оқшоми тунги соат 2:00 дан бошлаб Россиянинг "Первый" канали орқали эфирга узатилади.

Эслатиб ўтамиз, Бивол ўзининг охирги жангида Сауль Альваресни очколар ҳисобида мағлуб этган эди. Хильберто Рамирес эса Доминик Боэселни муддатидан олдин таслим этган.