Бундеслига клуби “Реал” афсонасини чақирди

“Байер” раҳбарияти бош мураббий Эрик тен Хагни иккита учрашувдан кейин истеъфога чиқарди ва айни пайтда жамоани муваффақиятли бошқара оладиган мутахассис қидиряпти.

Marca нашрининг ёзишича, леверкузенликлар “Реал” афсонаси Рауль Гонсалесни бош мураббий қилмоқчи. Бу мутахассис бир неча мавсум давомида “Реал”нинг ёшлар жамоасини бошқариб келди.

Ўтган ёз италиялик мураббий Карло Анчелотти “Реал”ни тарк этганидан кейин Рауль биринчи жамоани бошқаришни мўлжаллаган эди. бироқ “Қироллик клуби” раҳбарияти жамоани “Байер” билан катта натижаларни қўлга киритган Хаби Алонсо номзодини маъқул кўрди.

Энди “Байер” Рауль билан ҳамкорлик қилишни режалаштиряпти. Агар испаниялик мураббий немислар таклифини қабул қилмаса, унга захира варианти сифатида Бундеслигада катта тажриба тўплаган Эдин Терзич ва Марко Розе номзодлари танланган.