"Бунёдкор" ғалабани қўлдан чиқарди

Ўзбекистон Coca Cola Суперлигаси 13-туридан ўрин олган яна бир баҳс ўз якунига етди. Унда "Бунёдкор" Олмалиқда "Қизилқум"ни қабул қилди. Учрашув 1:1 ҳисобидаги дуранг билан якунланди.

Биринчи таймда Хуршид Ғиёсов томонидан аниқ амалга оширилган пенальтига иккинчи 45 дақиқаликда Руслан Маргиев узоқдан зарба йўллаб, жавоб берди.

• Суперлига
• 13-тур

Бунёдкор

• Хуршид Ғиёсов 43'

1 : 1

28/08/2020 18:30

Қизилқум

• Руслан Маргиев 80'

Стадион: ОКМК СМ

Бош ҳакам: Фирдавс Норсафаров

Батафсил

• 90'
  

  Учрашув якунланди! Матнли трансляция Абдулвосид Валихонов олиб борди.

• 90+'

  Бойдуллаевнинг узатмасини дарвозабон ушлаб олди.

• 90+'
  

  Қодирқулов сариқ карточка олди.

• 90+'
  

  Учрашув асосий вақтига 3 дақиқа қўшиб берилди.

• 89'
  

  Эркин Бойдуллаев огоҳлантирилди.

• 88'
  

  Нестеров Қобиловнинг муқаррар голли зарбасини қайтарди. Такрорий зарба Тўхтасинов ижросида ноаниқ.

• 86'
  

  Селим Нурмуродов Хуршид Ғиёсов ўрнига майдонга тушди.

• 80'
  

  ГОООООООООООООЛЛЛЛЛЛ!!! Руслан Маргиевнинг узоқдан берган зарбаси ҳимоячилардан бирига тегиб дарвозадан жой олди.

• 77'

  Томивага тиббий ёрдам керакка ўхшайди.

• 74'
  

  Абдуллаев огоҳлантирилди.

• 70'

  Жўраевнинг қанотдан узатган тўпига Саноев бош билан зарба бера олмади.

• 68'

  Дилшод Аҳмадалиев ва Фарруҳ Икромов захирага олинди, Суҳроб Иззатов ва Расул Йўлдошев уларнинг ўрнини тўлдиради.

• 67'

  "Бунёдкор" қарши ҳужумларда барибир хавфли ўйнамоқда. Яна бир зарбага бирозгина аниқлик етишмади.

• 65'

  Навоийликлар "Бунёдкор"ни жарима майдонига қамаб, штурм уюштирмоқда.

• 63'

  Саноев дарвозанинг олис бурчагини нишонга олди. Аммо тўп етарлича айланмади.

• 61'

  Олис масофадан берилган зарба ноаниқ кетди.

• 59'

  "Бунёдкор" жамоавий тарзда ҳимояланмоқда.

• 56'

  Мустафоевнинг жарима майдонига ёриб кириб берган зарбаси ноаниқ кетди.

• 52'

  "Қизилқум" энди олдинга ташланишга мажбур. Чунки уларга гол керак.

• 48'

  "Бунёдкор" ҳимояда ишончли ўйнамоқда.

• 47'

  "Қизилқум"нинг жарима зарбаси бесамар кетди.

• 46'
  

  Нестеров тайм бошидан ҳужумга отилган "Бунёдкор"нинг зарбасини қайтарди.

• 46'
  

  Миржаҳон Мираҳмадов ўрнига Шаҳбоз Эркинов майдонга тушди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи таймга 1 дақиқа қўшиб берилди.

• 43'
  

  ГООООООООООООЛЛЛЛЛЛ!!! Ғиёсов пенальтини аниқ амалга оширди.

• 41'
  

  Ҳакам "Қизилқум" дарвозасига пенальти белгилади. Тўп қўл билан ўйналган.

• 41'

  Томива "Қизилқум" ҳужумини ривожлантиришнинг креатив йўлини топди. Аммо шериги тўпга яхши зарба бера олмади.

• 38'

  Ҳар икки жамоа фаолликни оширмаса, вазият ўзгармай, ўйин майдон марказида давом этаверади.

• 35'

  Бугун "қалдирғочлар" одатдаги комбинацион ўйинларини намойиш эта олмаяпти.

• 33'
  

  Касминин огоҳлантирилди.

• 33'

  Футболчилар тортишиб кетди. Улар ўзини босиб олмаса бўлмайди.

• 31'

  Шерали Жўраевнинг узоқдан тепган тўпини Абдумавлон Абдужалилов қайтара олди.

• 28'
  

  Ойбек Қиличев огоҳлантирилди.

• 25'

  Томива ўзига узатилган узун пасни яхши қабул қилиб, дарвозага хавфли зарба берди. Бироз ноаниқ.

• 25'

  "Бунёдкор"нинг жарима зарбасидан уюштирмоқчи бўлган комбинацияси Тўраевнинг ноаниқ ҳаракати сабаб барбод бўлди.

• 23'

  "Қизилқум"нинг навбатдаги ҳужуми тошкентликлар томонидан қайтарилди. Жарима майдони марказига узатилган тўп жуда оддий эди.

• 20'

  Мираҳмадов жаримадан узатилган тўпга боши билан зарба берди. Бироз ноаниқ.

• 19'

  Хуршид Ғиёсовга нисбатан чап қанотда фол ишлатилди. Яхши стандарт.

• 17'

  Томива шериклари узатган тўпга ета олмади. Яхши ҳужум бўлиши мумкин эди.

• 15'
  

  Нестеровдан дастлабки сейв. Жарима майдони ташқарисидан берилган зарба анча хавфли чиққан эди.

• 14'

  Қодирқуловнинг узатмасини ҳимоячилар бартараф этишни уддалади.

• 14'

  Ўйин ҳозирча майдон марказида кечмоқда. Айтарли хавфли вазиятлар йўқ.

• 11'

  Абдумавлон Абдужалилов "Қизилқум" футболчиларининг дастлабки зарбасини ушлаб олди.

• 10'

  Қиличевга узатилган тўп анча кучли чиқди, футболчи унга ета олмади.

• 7'
  

  Навоийликлар илк бурчак зарбасидан хавфли вазият ярата олишмади.

• 5'

  Биринчи ҳужум "қалдирғочлар"да. Жарима майдони марказига узатилган тўпни Нестеров ушлаб олди.

• 3'

  Дастлабки дақиқалардан номинал меҳмонлар тўп назоратини амалга оширмоқда.

• 1'
  

  Ўйин бошланди! 

• 0'

  Ўйиндан аввалги расмий маросимларнинг барчаси ортда қолди. Ҳамма нарса ўйинга тайёр.

• 0'

  Жамоалар майдонга тушиб келмоқда. Суперлига мадҳияси жаранг сочмоқда.

• 0'

  Ассалому алайкум, азиз футбол мухлислари. 13-тур беллашувлари давом этади.