"Бунёдкор" легионер футболчи билан шартнома имзолади

"Бунёдкор" Мартин Шролер билан шартнома имзолади, деб хабар бермоқда клубнинг матбуот хизмати. 
 
Янги мавсумга тайёргарликни Туркиянинг Анталия шаҳрида давом эттираётган "қалдирғочлар" сафига хорватиялик ярим ҳимоячи келиб қўшилди. 2025 йилги мавсумни “Бунёдкор” либосида ўтказадиган Мартин Шролер ҳужумчи ортида ҳаракат қилади. 
 
Маълумот ўрнида, 26 ёшли футболчи  Босниянинг ГОШК клубида умумий 11 та беллашувда иштирок этиб, 4 та гол ва 2 та голли узатмага муаллифлик қилди. Унинг Трансфермаркт порталидаги нархи 200 минг евро деб баҳоланмоқда.