"Бунёдкор" монтенегролик ҳимоячи билан шартномани узайтирди!

"Бунёдкор" клуби Марко Бугарин билан тузилган шартномани янгилади. Бу ҳақда клуб матбуот хизмати маълум қилди.

Монтенегролик ҳимоячи Марко Бугарин клубимиз билан шартномасини 2027 йил декабргача узайтирди. Марко жамоамизнинг ишончли ва барқарор ҳимоячиларидан бири сифатида ўз ўрнини мустаҳкамлаган. "Янги мақсадлар сари бирга!" — дейилади "қалдирғочлар"нинг хабарида.

Маълумот учун, футболчи Суперлиганинг якунланган мавсумида 28 та ўйинда майдонга тушиб, ўз ҳисобига 1 гол ва 1 ассистни ёздириб қўйди.