“Бунёдкор” уч футболчи билан шартномани узайтирди

Суперлиганинг янги мавсумида ўз олдига катта мақсадлар қўйган “Бунёдкор” уч нафар футболчи билан келишувни узайтирди. Бу ҳақда ЎзПФЛ расмий канали хабар берди.

Унга кўра, “қалдирғочлар” Начмиддин Нормудоров, Амир Тўрақулов ва Наримонжон Аҳамджонов билан 2027 йилнинг 31 декабригача амал қиладиган шартнома имзолади.

Маълумот учун, Суперлиганинг якунланган мавсумида Нормудоров 29 та, Тўрақулов 25 та, Аҳамджонов эса 14 та учрашувда майдонга тушган.