"Бухоро" бош мураббийи: "Кўрсатаётган ўйинимиздан умуман уялмайман"

“Бухоро” ўз майдонида “Насаф”га 0:1 ҳисобида имкониятни бой берганидан сўнг мезбон жамоа бош мураббийи Ҳаким Фузайлов шундай деди:

“Менимча бугунги ўйинимиз, футбол мухлисларига ёқди, деб ўйлайман. Тўғрисини айтсам, биз кўрсатаётган ўйинимиздан умуман уялмайман. Жамоам ёмон ўйин кўрсатмаяпти. Охирги икки турда жамоам очко йўқотди.

Менимча, бизга озгина омад етишмаяпти. Умуман, ўйин учун, борларини бериб ўйнаганлари учун йигитларга катта раҳмат. Устимизда янада қаттиқроқ ишлашимиз керак. Кўриб турибман, жамоам кўп нарсага қодир ва ҳали ўз сўзини айтади”, - деди Ҳаким Қаюмович.