"Buxoro" bosh murabbiyi: "Ko‘rsatayotgan o‘yinimizdan umuman uyalmayman"

“Buxoro” o‘z maydonida “Nasaf”ga 0:1 hisobida imkoniyatni boy berganidan so‘ng mezbon jamoa bosh murabbiyi Hakim Fuzaylov shunday dedi:

“Menimcha bugungi o‘yinimiz, futbol muxlislariga yoqdi, deb o‘ylayman. To‘g‘risini aytsam, biz ko‘rsatayotgan o‘yinimizdan umuman uyalmayman. Jamoam yomon o‘yin ko‘rsatmayapti. Oxirgi ikki turda jamoam ochko yo‘qotdi.

Menimcha, bizga ozgina omad etishmayapti. Umuman, o‘yin uchun, borlarini berib o‘ynaganlari uchun yigitlarga katta rahmat. Ustimizda yanada qattiqroq ishlashimiz kerak. Ko‘rib turibman, jamoam ko‘p narsaga qodir va hali o‘z so‘zini aytadi”, - dedi Hakim Qayumovich.