"Бухоро" дарвозабони сафдан чиқди

Про лига вакили "Бухоро" навбатдаги ўйинга тайёргарлигини бошлади.

Клуб матбуот хизматининг маълум қилишича, футболчилар бугундан машғулотларни ўз қароргоҳларида бошлашди.

Сербиялик асосий дарвозабон Никола Стошич "Машъал" билан баҳсда қўлидан жароҳат олганди. Тиббий текширувдан сўнг дарвозабоннинг қўл суяги шикастланиши аниқланди ва гипс қилинди.

Маълум бўлишича, Стошичнинг жароҳатидан тикланишига бир ой вақт керак бўлади. "Бухоро" матбуот хизмати эса футболчига тезроқ соғайиб, сафга қайтишини тилади.