"Бухоро" икки нафар легионери билан шартномани узайтирди

Про лигадан Суперлигага қайтган "Бухоро" клуби ўтган йилги таркибидан ҳам бир қанча ўйинчиларни сақлаб қолиш ҳаракатида. 

Жумладан, ўтган мавсумда про лигада "Бухоро" шарафини ҳимоя қилган легионерлар - Фране Икич ва Марко Колакович билан шартнома яна бир йилга узайтирилди. 

Фране Икич ўтган мавсумда "Бухоро" сафида 24 та ўйинда иштирок этиб, 4 та гол урди. Марко Колакович эса 7 голга муаллифлик қилди.

Бош мураббий Улуғбек Бақоев ўз жамоасида ҳимоя чизиғининг асосий устунлари сифатида айнан хорватиялик ва сербиялик легионерларни кўрмоқда.