“Бухоро“ сафида янги футболчилар кўрикдан ўтмоқда

Мавсумнинг қолган қисмига тайёргарлик кўраётган "Бухоро" жамоаси ёзги йиғин давомида таркибга янги футболчиларни жалб этишда давом этади. Жумладан, ҳимоячилар Жасур Азимов ("Қизилқум"), Абдухолиқ Қурбонов ("Шўртан"), ярим ҳимоячилар Ҳумоюнмирзо Иминов ("Пахтакор"), Сирож Мелиев ("Янгиер") ва ҳужумчи Темур Исмоилов ("Динамо") кўрикдан ўтиш учун жамоа йиғинига келиб қўшилган.

Янги футболчиларнинг ҳаракатлари жамоа мураббийлар штаби вакилларига маъқул келса, улар билан шартнома имзоланади.

Маълумот ўрнида, "Бухоро" жамоаси айни пайт 13-турдан сўнг Про-лига турнир жадвалида 4-ўринда бормоқда. Клуб ҳисобида 21 очко мавжуд. 

Манба: "Бухоро" ПФК матбуот хизмати.