"Buxoro"ga yangi futbolchilar keladi

Pro liganing yangi mavsumiga tayyorgarlik ko‘rayotgan "Buxoro" jamoasi "Farg‘ona viloyati hokimi kubogi"dagi ishtirokdan so‘ng, futbolchilarga 4 kunlik qisqa muddatli ta’til berdi.

Klub matbuot xizmati tarqatgan xabarga ko‘ra, yangi mavsumga tayyorgarlikning so‘nggi bosqichi Toshkent shahrida 4 fevraldan davom ettiriladi. Poytaxtda bo‘lib o‘tadigan yig‘inda jamoaga yangi futbolchilar kelib qo‘shilishi kutilmoqda.

Shuningdek, "ko‘hna shaharliklar"ning poytaxtdagi yig‘in davomida nazorat uchrashuvlarini o‘tkazish ham rejada bor.