"CAFA Nation’s Cup" турнири олдидан ҳакамлар учун семинар ташкил этилди

Тошкент шаҳрида CAFA нуфузли мусобақасида фаолият юритадиган ҳакамлар иштирокида семинар бўлиб ўтди.

Семинарда ЎФА биринчи вице-президенти, CAFA ҳакамлар қўмитаси раиси Равшан Эрматов ҳамда CAFA бош котиби Улуғбек Каримов иштирок этиб, илк бор ташкил этилаётган мазкур мусобақанинг минтақамиз футболи учун аҳамияти юқорилиги, кўплаб мамлакатларга трансляция қилинишини сабабли, ҳакамларга ўз даражасини намойиш этиш имкониятини тақдим этиши ҳақида сўз юритдилар.

Семинар давомида ҳакамлар футболдаги янги қоидалар акс этган махсус видеолавҳалар устида ишладилар. Бир қатор эпизодлар таҳлил қилинди. Шунингдек, инструкторлар томонидан ўйиндаги вазиятлар юзасидан назарий машғулотлар ташкил этилди. “CAFA Nation’s Cup”да ВАР тизими қўлланилмаслиги сабабли ҳакамларга ҳар бир эпизодга максимал эътибор ва масъулият билан ёндашиш талаб этилди.

Фикрлар

Фикр қолдириш учун авторизациядан ўтинг!