Чақиришса, “Барса”га қайтаман!

“Барселона” тарбияланувчиси  Марк Кукурелья ўз фаолиятини ривожлантириш учун 2019 йилда каталонияликлар сафини бутунлай тарк этган эди.

Дастлаб “Хетафе”, сўнгра “Брайтон”дан тўп тепиб, кейинчалик “Челси”нинг ишонган ўйинчисига айланган маҳоратли ҳимоячи яна эътибор марказида.

​Испания терма жамоасининг март ойидаги Мисрга қарши иккинчи ўртоқлик учрашуви арафасида, 27 ёшли чап қанот ҳимоячисига Каталонияга қайтиш эҳтимоли ҳақида савол берилди. Кукурелья эса бу эшикларни бутунлай ёпиб қўймади.

​- Агар шундай вазият юзага келса, рад этиш жуда қийин бўлиши аниқ. Лекин мен буни яхшилаб ўйлаб кўришим ва оилам билан маслаҳатлашишим керак бўлади. Ҳозирча бу ҳақда ўйлаётганим йўқ, аммо агар шундай таклиф тушса, қандай қарор қабул қилишни кўриб чиқамиз, - деди футболчи.

​Ушбу баёнот “Челси” мухлислари учун унчалик хушхабар эмаслиги табиий.