Чавандозимизнинг оти баланд сакради

Бирлашган Араб АмирликларинингАбу-Даби шаҳрида от спортининг конкур бўйича ўтаётган CSI2* тоифасидаги нуфузли мусобақада 105 нафар кучли чавандозлар ўз маҳоратларини синовдан ўтказмоқда.

Улар орасида Ўзбекистон йилқичилик ва от спорти федерацияси раиси Баҳромжон Ғозиев муваффақиятли иштирок этмоқда.

Чавандозимиз ўзининг “Lady” лақабли оти билан 130 см. баландликдаги тўсиқлардан от сакратишда кумуш медалга эга чиқди.

Эслатиб ўтамиз, 19 январь кунига қадар давом этадиган мазкур мусобақанинг ўтган кунги баҳсларида Баҳромжон Ғозиев энг кучли 10 та чавандоз ўртасида олтинчи ўринни эгаллаган эди.