"Chelsi" afsonasi TsSKAning 20 yillik g‘alabasiga bag‘ishlangan o‘yinda maydonga qaytadi

"Chelsi", "Marsel" va "Galatasaray" klublarining sobiq hujumchisi Dide Drogba UEFA Kubogida g‘olib bo‘lganiga 20 yilligi munosabati bilan o‘tkaziladigan gala-o‘yinda ishtirok etadi. Kot-d’Ivuar terma jamoasining sobiq hujumchisi TsSKA g‘alabasiga to‘sqinlik qila olmagan klublar futbolchilaridan tuzilgan jamoa safida maydonga tushadi. Bu haqda Moskva klubining matbuot xizmati xabar berdi.

Eslatib o‘tamiz, TsSKA 2004/2005-yilgi mavsumda UEFA Kubogida g‘olib chiqib, finalda Lissabonning "Sporting" klubini 3:1 hisobida mag‘lub etgan edi.

Gala-o‘yin 18 may kuni Moskvada bo‘lib o‘tadi. Unda TsSKA afsonalari jamoasi va 2004/2005-yilgi mavsumda ularni to‘xtata olmagan Evropa klublari futbolchilaridan tuzilgan jamoa o‘zaro bahs olib boradi.