"Челси" "Арсенал"нинг собиқ футболчисини қўлга киритмоқчи

Лондоннинг "Челси" клуби Италиянинг "Лацио" жамоаси ҳимоячиси Нуну Тавареш билан қизиқмоқда.

Ёзда римликлар португалиялик футболчини 50 миллион еврога сотишдан бош тортган бўлса-да, январь ойида 25 ёшли ҳимоячи арзонроқ нархда сотувга чиқиши кутиляпти.

"Il Messaggero" нашрининг ёзишича, "аристократлар" Таварешни сотиб олиш имкониятини кўриб чиқмоқда.

Маълумот учун, Нуну Тавареш аввал "Арсенал"га тегишли эди. “Лацио” уни 2024 йил июль ойида 5 миллион еврога сотиб олган.

Футболчининг шартномаси 2029 йилгача амал қилади. Transfermarkt порталига кўра, унинг ҳозирги баҳоси 20 миллион еврони ташкил этади.