“Челси” беш нафар юлдузни кўчада қолдирмоқчи

Ёзда “Челси” раҳбарияти беш нафар футболчи билан  хайрлашадиган бўлди. Клуб раҳбарияти молиявий фэйр-плей қоидаларини бузмаслик учун шу қарорга келди.

Чунки “аристократлар” қишки трансферлар даврида 330 миллион евро сарфлаб, бир неча ўйинчиларни ўз сафига қўшиб олди.

Энди маошлар фондини тартибга солиш учун клуб мутасаддилари ҳужумчи Пьер-Эмерик Обамеянг, ярим ҳимоячилар Ҳаким Зиеш, Кристиан Пулишич, Матео Ковачич, ва ҳимоячи Калиду Кулибалини сотиб юбормоқчи.

Шунингдек, юқори номи келтирилган ўйинчилардан ташқари,  Бен Чиллуэл,  Коннор Галлахер, Ромелу Лукаку ва Калум Хадсон-Одоининг келажаги мавҳум бўлиб турибди. Мураббийлар штаби бу футболчилар хизматидан ҳам фойдаланмоқчи эмас.