"Челси" бош мураббийи: "Жамоамнинг ўйинидан мамнунман"

"Челси" бош мураббийи Энцо Мареска Англия лига кубоги 1/8 финали доирасида "Ньюкасл"дан учралган мағлубиядан кейин ўз фикрларини билдириб ўтди.

"Агар ўйинни чуқур таҳлил қилсангиз биз амалга оширган ишлар ўз самарасини берди. Ўйлайманки, 23-дақиқагача яъни ўтказиб юборган голимиз олдидан биз ўйинни тўлиқ назорат қилаётган эдик ва рақибга умуман имкон бермадик.

Голдан сўнг тахминан 10 дақиқа давомида назоратни қўлдан чиқардик ва шу вақт ичида афсуски, иккинчи голни ҳам ўтказиб юбордик. Кейин биринчи бўлимнинг сўнгги дақиқаларида 2-3 та яхши голли вазиятлар яратдик. Аммо уларни голга айлантира олмадик.

Иккинчи бўлимда эса, ўйинни тўлиқ назорат қилдик. Вазиятлар яратдик, ҳужумлар амалга оширдик. Бироқ, яна ўша ҳолат: якунловчи нуқтани қўйишда омадимиз етишмади. 

Биламан асосийси натижа ҳисобланади. Барча йигитлар қатори мен ҳам жуда харакат қилдим. Аммо омад келмаса қийин экан", - деди "Челси" устози.