“Chelsi”: Bu hujumchini “Barsa”ga sotmaymiz!

“Chelsi” hujumchisi Joao Pedro Ispaniyaning “Barselona” klubiga sotilmaydi. Bu haqida Daily Mail nashri xabar berdi.

Avvalroq kataloniyaliklar braziliyalik futbolchining agentlari va vakillari bilan bog‘lanib,  70 million evrolik transfer taklif qilgani haqida ma’lumot tarqalgan edi.

Manbaga ko‘ra, “Chelsi” bu taklifga xotirjam munosabat bildirgan. Klub nafaqat forvardni Ispaniyaga sotishni istamayapti, balki Pedroni kelasi yozda sotilishi mutlaqo mumkin bo‘lmagan “daxlsiz” futbolchilar ro‘yxatiga kiritgan.

Londondliklarda bunday muzokaralarga qiziqish yo‘q, klub tarkibni kuchaytirish haqida o‘ylayapti, zaiflashtirish haqida emas.

Joriy mavsumda Joao Pedro barcha musobaqalarda 48 ta o‘yinda qatnashib, 20 ta gol va 9 ta golli uzatmani amalga oshirdi. Uning klub bilan shartnomasi 2033 yil yozigacha amal qiladi. Transfermarkt portali futbolchining bozor qiymatini 75 million yevro, deb baholamoqda.