"Челси" Энцо Фернандесга дарров ўринбосар топди

«Челси» «Атлетико» ярим ҳимоячисини қишда олиб келишни режалаштирмоқда. Қишки трансфер ойнасида лондонлик «Челси» Мадриднинг «Атлетико» жамоаси ярим ҳимоячиси Пабло Барриосни ўз сафига қўшиб олиш имкониятини кўриб чиқмоқда. 23 ёшли испаниялик футболчига клуб катта умид боғламоқда.

Футбол бозорига яқин манбаларнинг қайд этишича, Лондонда Барриосни жамоани тарк этган Энцо Фернандесга асосий ўринбосар сифатида кўришмоқда. Аргентиналик ярим ҳимоячи кетганидан сўнг «Челси» марказий зонани кучайтириш йўлларини изламоқда.

Шу билан бирга, «Атлетико» раҳбарияти футболчини сотиш ниятида эмаслиги таъкидланмоқда. Барриос билан тузилган шартномада 500 миллион евро миқдорида тўлов мажбурияти (маблағ тўлаб олиб кетиш шартлари) кўрсатилган. Шунга қарамай, айрим хабарларга кўра, «Челси» унинг учун 100 миллион евро таклиф қилишга тайёр.

Пабло Барриос — «Атлетико» тарбияланувчиси. Жорий мавсумда у клуб таркибида учта учрашувда майдонга тушиб, бир бор голли узатма муаллифи бўлди.