“Челси” етти ўйинчидан воз кечди. Улар орасида машҳур юлдузлар бор!

Жорий мавсумни ўзи истаган даражада юқори савияда ўтказа олмаётган “Челси” таркибида жиддий ўзгаришлар бўлади.

Клуб раҳбарияти қишки ва ёзги трансферлар вақтида асосий жамоанинг бир неча футболчиси билан хайрлашишга қарор қилган. Кетадиганларнинг дастлабки рўйхатига етти нафар ўйинчи киритилди. Улар орасида машҳурлар ҳам бор.

Хусусан, “аристократлар”  Ҳаким Зиеш, Кай Хаверц, Кристиан Пулишич, Калиду Кулибали, Жоржиньо, Сесар Аспиликуэта ва Пьер-Эмерик Обамеянг билан биринчи навбатда хайрлашади.

Клуб бу рўйхатдаги олти нафар футболчини ижарага бериш ёки тўлиқ сотиб юбориш вариантларини ўрганиб чиқмоқда. Фақатгина Жоржиньонинг шартномаси тугаётгани боис, унга янги битим берилмайди.