"Челси" ҳимоячиси Францияга кетиши мумкин

"Челси" марказий ҳимоячиси Аксель Дисаси фаолиятини Лига 1да давом эттириш эҳтимоли бор.

Журналист Никола Скира берган хабарларга кўра, 27 ёшли футболчига "Лион" жамоаси жиддий қизиқиш билдирмоқда. "Кўклар"нинг асосий таркибидан четда қолиб кетаётган футболчининг ўзи ҳам трансферлар бозорида жамоани тарк этишга тайёр. Дисаси жорий мавсумда бирорта ҳам учрашувда майдонга тушмади. Франциялик футболчи 2023 йилдан буён "аристократлар" сафида ўйнаб келяпти. Унинг жамоа билан амалдаги шартномаси 2029 йилнинг ёзида якунига етади. 

Маълумот учун, футболчининг "Transfermark" порталидаги нархи 15 миллион еврони ташкил этади.