"Челси" Кантега қандай совға тайёрламоқда?

Франциялик ярим ҳимоячи Нголо Канте "Челси" билан шартномасини узайтириши мумкин. Бу ҳақда италиялик журналист Фабрицио Романо ўзининг твиттердаги саҳифасида маълум қилди.

Юқоридаги манбага кўра, “аристократлар” яқин ҳафталарда 30 ёшли футболчига узоқ муддатли янги шартнома таклиф этади.

Канте "Челси"да 2016 йилдан буён тўп суриб келмоқда. Унинг клуб билан амалдаги шартномаси 2023 йил ёзига қадар тузилган.

Нголо Канте кеча “Манчестер Сити”га қарши бўлиб ўтган УЕФА Чемпионлар лигаси финал учрашувининг энг яхши футболчиси, деб топилди.

Канте жорий мавсум “Челси” сафида жами 44 та ўйинда майдонга тушди.

Фикрлар

Фикр қолдириш учун авторизациядан ўтинг!