“Челси” Кепанинг ўрнига ишончли дарвозабон топди

Фрэнк Лэмпард ёзги трансферлар вақтида жамоаси учун дарвозабон олади. Айни пайтда Лондон жамоаси “Бёрнли”дан Ник Поупни олишни мўлжалламоқда.

Аввалроқ, “Челси” Испания чемпионатини тарк этишни истаётган Ян Облакни олмоқчи эди. Лекин “Атлетико” бу дарвозабон учун 120 миллион евро сўрамоқда. Шу боис Роман Абрамович клуби мутасаддилари трансфер суммаси 12 миллион евродан ошмайдиган Поупни олиб келишга қарор қилган.

Англия терма жамоасида биринчи рақамга даъвогарлардан бири сифатида эътироф этилаётган Ник Поуп кучсиз клубда тўп сурганига қарамай, 38 та учрашувдан 15 тасида дарвозаси дахлсизлигини сақлай олди.