"Челси" мухлислари раҳбариятни Саррини истеъфога чиқаришга мажбур қилишмоқчи

Лондоннинг "Челси" клуби ишқибозлари жамоанинг навбатдаги уй ўйинини бойкот қилишмоқчи. Бу ҳақда Football Italia нашри хабар бермоқда.

Юқоридаги манбаага кўра “аристократлар” мухлислари айнан шу йўл билан раҳбариятни жамоа бош мураббийи Маурицио Саррини истеъфога чиқаришга ундашмоқчи. Берилган маълумотларга қараганда айни дамга келиб 400та мухлис “Вест Хэм”га қарши, яна 700та мухлис эса “Бёрнли”га қарши бўлиб ўтадиган учрашув чипталарини қайтариб беришган.

Эслатиб ўтамиз, “Челси” айни дамда премьер-лига мусобақа жадвалида 6-ўринни эгаллаб турибди.