"Челси" ўз футболчисини "Реал"га сотишга тайёр!

"Челси"нинг аргентиналик ярим ҳимоячиси Энцо Фернандес "Реал Мадрид"га ўтиши мумкин. Бу ҳақда "TEAMtalk" нашри хабар берди.

Манбанинг хабар беришича, "аристократлар" "қироллик клуби" вакилларига Энцони сотишга тайёр эканликларини аниқ маълум қилган. Фернандеснинг ўзи Испания гигантларига ўтишга қарши эмас, аммо "кўклар" аргентиналик футболчини фақат муносиб сумма эвазига қўйиб юборишмоқчи.

2023 йилда "Челси" Фернандесни "Бенфика"дан 121 миллион еврога сотиб олган эди. Бу мавсумда у барча мусобақаларда 31 та ўйинда майдонга тушиб, саккизта гол урди ва тўртта голли узатма муаллифига айланди. 25 ёшли ярим ҳимоячининг лондонликлар билан амалдаги шартномаси 2032 йил июнь ойигача амал қилади.