“Челси” трансфер рекордини янгилади

“Челси” Бундеслига вакили “Байер” билан плеймейкер Кай Хаверцнинг бадал пули миқдори  бўйича келишувга эришди.

“Аристократлар” бу трансфер учун леверкузенликларга 72 миллион фунт ўтказиб берди ва кейин 18 миллион фунт миқдорида турли бонуслар ҳам ажратади. Бу сумма Роман Абрамович жамоаси учун янги рекорд бўлди.

Аввалги рекорд ишончни оқлай олмаган Кепа Аррисабалаганинг трансферига тегишли эди. Испаниялик дарвозабон Лондонга 71,4 миллион фунт эвазига олиб келинган.

Кай Хаверц трансферни якунлаб келиш учун Миллатлар лигаси турнирида қатнашаётган Германия терма жамоасидан кетишига тўғри келди.