"Челси" украиналик футболчини сотиб олиб хато қилди

Лондоннинг “Челси” клуби собиқ футболчиси Глен Жонсон ярим ҳимоячи Михаил Мудрикнинг “аристократрлар” сафига ўтиши ҳақида гапирди. Унинг фикрича, пойтахт клуби украиналик футболчини ўз сафига қўшиб олиб, хатога йўл қўйган.

“Менимча, Кристиан Пулишич жамоага кўпроқ нарсани бера олади. Мудрикни 70 миллионга олиб, унинг ёнига қўшиб қўймасликлари керак эди. Пулишич яхши футболчи. Менимча, унга шунчаки туртки керак”, - деди Жонсон Goal.com нашрига берган интервьюсида.

Эслатиб ўтамиз, Мудрик "Челси"га қишки трансфер ойнасида келиб қўшилди. Ўшандан бери у Англия чемпионатининг 15та ўйинида қатнашиб, атиги иккита голли узатмани амалга оширди.