“Челси”да ўйнаган футболчи келишилган ўйинлар учун суд қилинади

Лондоннинг “Челси” клуби собиқ футболчиси Улисес Давила икки йил муқаддам узоқ Австралия чемпионатида келишилган ўйинлар ташкил қилганликда айбланди. Давила 2011-2016 йиллар давомида “аристократлар” аъзоси бўлган.

Аниқланишича, унинг ноқонуний хатти-ҳаракатлари букмекерларга юз мингдан фунт стерлингдан зиёд фойда кўриш имконини яратган. Давила билан бирга “Макартур ФК” клубида ўйнаган Клэйтон Льюис ва Кьярин Баккус каби ўйинчилар ҳам терговга тортилди.

Бу уч футболчи 2023 йилнинг декабрида “Сидней” қарши ўтказилган учрашувда “қаҳрамонлик” кўрсатган. Ўша баҳснинг 30-дақиқасида Улисес ҳакам ҳуштагидан кейин тўпни тепиб юборади ва атайин сариқ карточка олади. Льюис ва Баккус ҳам ўйин давомида атайлаб огоҳлантириш олгани қайд этилган.

Шу тариқа, улар букмекерларнинг буюртмасини баражади. Букмекерлар учун бу беллашувда камида тўрт футболчи сариқ карточка олиши муҳим эди. Энди бу “қаҳрамонлар” футболдан ҳайдалгани етмаганидек, судга тортилади.