Чемпион “Интер” тарқалиб кетадими?

“Интер” футболчилари “Ювентус” гегемонлигига барҳам бериб, Италия чемпионлигига сазовор бўлди.

Шунга қарамай, миланликларга скудеттони олиб берган асосий футболчиларнинг аксарияти чемпионлик мавсумидан сўнг, ёзда бошқа клубларга ўтиб кетишни режалаштирмоқда.

Хусусан, аргентиналик ҳужумчи Лаутаро Мартинес Испания чемпионатига кўчиб ўтмоқда. Бу футболчига Мадрид клублари – “Реал” ва чемпионлик унвонига сазовор бўлган “Атлетико” харидор бўлмоқда. Футболчининг агенти бу клублар билан музокарага киришгани ҳақида хабарлар тарқатилмоқда.

Ўтган йили “Барселона” Лаутарони ўз сафига қўшиб ололмаганди.

Бундан ташқари, Европанинг қатор қудратли клублари Ромелу Лукаку, Николо Барелла, Ашраф Ҳакими ва Алессандро Бастони каби етакчи футболчиларни ўз сафига чорламоқда.

Миланликлар Европа футболида кузатилаётган молиявий инқироз туфайли айрим етакчиларини сотишга мажбур бўлмоқда.