Чили терма жамоаси Америка кубогидан олдин жиддий йўқотишга учради
"Интер"нинг чилилик ярим ҳимоячиси Артуро Видаль 2021 йилги Америка Кубоги олдидан коронавирус инфекциясини юқтириб олди. Бу ҳақда футболчи ўзининг инстаграм саҳифаси орқали маълум қилди.
“Мен Covid-19 га чалиндим, афсус. Шу сабабли яқинлашиб келаётган ўйинларда терма жамоага ёрдам беролмайман, аммо жамоани қўллаб-қувватлаш учун қўлимдан келган барча ишни қиламан. Тез орада соғайиб, яна Чили терма жамоаси либосини кияман”, - дейди Видаль.
Америка кубоги жорий йилнинг 13 июнидан 10 июлига қадар Бразилияда бўлиб ўтади. Чили гуруҳ босқичида Аргентина, Парагвай, Боливия ва Уругвайга қарши ўйнайди.
Видаль якунланган мавсум А Серияда 23 та ўйинда майдонга тушди ва 1 та голга муаллифлик қилди.
Фикрлар