Coca Cola. "Локомотив" - "Қўқон-1912": Матнли трансляция

  • 90+4'

    Учрашув якунланди! Матнли трансляция Жавоҳир Азимов томонидан олиб борилди.

  • 90+2'

    Ғалаба қозонаётган қўқонликлар ҳамон ҳужумга интилмоқда.

  • 90'

    Ўйиннинг асосий вақтига 3 дақиқа қўшиб берилди.

  • 90'

    Бурдиев майдондан олинди. Унинг ўрнини Синдоров тўлдиради.

  • 87'

    "Локомотив" футболчиларидан муносиб жавоб: Туроповнинг яқин масофадан берган зарбаси дарвоза устунига тегди.

  • 86'

    ГООООООООООЛЛЛЛЛЛЛ!

    Муҳаммаданас Ҳасановнинг стандарт вазиятдан жарима майдончасига берган узатмаси ҳеч кимга тегмасдан дпрвозага кириб кетди.

  • 85'

    Ўлмасалиев ўрнига Погребняк туширилди.

  • 84'

    Бикмаев воқеалар ривожидан илгарилаб кетди.

  • 83'

    Рақибига нисбатан қўпол ўйнаган Йосович сариқ карточка билан огоҳлантирилди.

  • 80'

    ГООООООООООЛЛЛЛЛЛЛ!

    Шоҳназар Норбеков боши билан дарвозабоннинг устидан тўпни ошириб қўйди.

  • 78'

    Нуралиевдан навбатдаги ўзгариш: Марат Бикмаев Иброҳимов ўрнини эгаллади.

  • 75'

    ГООООООООООЛЛЛЛЛЛЛ!

    Темурхўжа Абдуҳолиқов яқин масофадан кучли зарба йўллаб, ҳисобни очди.

  • 73'

    Шеригини қулай вазиятга чиқарган Норбековнинг пасини Якуба Бамба кўкка совурди.

  • 72'

    Ҳозиргина жароҳат олган Рўзиев ўрнига Шоҳназар Норбеков майдонга тушди.

  • 71'

    Яна бир жароҳат: Қувондиқ Рўзиев ҳам майдонда ётибди. Унга ҳам тиббий ёрдам кўрсатилмоқда.

  • 68'

    Рақиб жарима майдончаси ичида Туропов йиқилиб тушди. Мухторов унга ишонмади.

  • 66'

    Йосович оёқ мушакларини жароҳатлаб олди. Унга шифокорлар тиббий ёрдам кўрсатишди. Ҳаммаси жойида.

  • 65'

    "Темирйўлчилар" сафида ҳаракат қилган Афонин ўз ўрнини Давронбек Умировга бўшатиб берди.

  • 62'

    Бу сафарги бурчак зарбаси ҳам бесамар якунланди.

  • 61'

    Спринтерлик пойгасида Туропов рақибига имкониятни бой берди.

  • 59'

    Қўқонликлар сафида ўзгариш: Раевац ўрнига Ҳамидулло Абдуҳамидов ўйинга қўшилди

  • 58'

    Туроповнинг узатмасини дарвозага тўғирлаб юборган Алижоновнинг зарбаси бироз ноаниқ.

  • 55'

    Рақиб зарбасини қабул қилиб олган "Қўқон-1912" футболчиси майдонда йтибди. Ҳайрият, унинг аҳволи қониқарли.

  • 54'

    Ҳакамнинг қарорига очиқчасига эътироз билдиргани учун Рустамов сариқ карточка олди. Хуштак чалинганидан кейин у тўпни кучли зарба билан тепиб юборган эди.

  • 53'

    Муҳаммаданас Ҳасановнинг мураккаб зарбасини Илёсов қийинчилик билан қайтарди.

  • 52'

    Жарима майдончаси чизиғи олдида қўқонликлар стандарт вазиятга эга бўлишди.

  • 51'

    Махарадзега нисбатан қалтис ҳаракат қилгани учун Рўзиев огоҳлантирилиши мумкин эди.

  • 50'

    "Қўқон-1912" футболчилари рақиб жарима майдончаси яқинида майда паслар алмашмоқда.

  • 48'

    Темурхўжа Абдуҳолиқов ўйиндан ташқари ҳолатда қолиб кетди.

  • 46'

    Бўлим бошида қўқонликлар бурчак тўпини шйинга киритишди. Ҳимоячилар ҳавфни бартараф этди.

  • 46'

    Иккинчи тайм бошланди!

  • 46'

    Жамоалар майдонга қайтишди. Навбат бизники.

  • 45+3'

    Танаффус!

  • 45+1'

    Илёсовдан суперсейв! Раевацнинг ўнг бурчакка берган зарбасини Жавоҳир зарарсизлантирди.

  • 45'

    Биринчи таймга 2 дақиқа қўшилди.

  • 45'

    Бўлим охирида қўқонликлар пенальти ишлаб олишди. Бердиевга нисбатан қўполлик ишлатган Файзиев жамоасига панд бериши мумкин.

  • 44'

    "Локо" футболчиси рақиб жарима майдончаси яқинида йиқилиб тушди. Ҳакам жим.

  • 42'

    Тайм охирида жамоалар фаолликни оширмоқда. Мураббийларнинг кўрсатмаси шундай бўлмоқда.

  • 39'

    Рақиби билан тўқнашиб кетган Бамба майдонда ётибди. Унинг ҳолати жойидага ўхшайди.

  • 37'

    Қуводиқ Рўзиевнинг жарима майдончаси марказига етказган тўпини Йосович дарвоза томон йўллади. Аммо бироз ноаниқ.

  • 36'

    Дилшод Нуралиев шогирдлари эрта прессингни анча яхши амалга оширмоқда.

  • 34'

    Қарши ҳужумга югураётган Бамбани қоидага зид равишда тўхтатган Абдуҳолиқовни арбитр бу сафар аяди.

  • 33'

    "Локомотив" футболчилари ҳам тўп назоратини эгалламоқда.

  • 30'

    Зарба нуқтасига чиқиб борган Бамба ноаниқ пас бериб, вазиятни кўкка совурди.

  • 28'

    Бу сафар Бамбанинг ўзига нисбатан қўполлик ишлатилди. Рефери футболчиларга ўйин қоидаларини қатъий тушунтириб қўйиши лозим.

  • 26'

    Бош ҳакам Мухторов жамоаларга нафас ростлаб олиш учун имконият тақдим этди.

  • 25'

    Бамбадан зарба қабул қилиб олган Иброҳимов майдонда ётибди. Шифокорлар аллақачон майдонда.

  • 24'

    Фаррух Иброҳимовга нисбатан қўпол ўйнагани учун Якуба Бамба сариқ карточка билан жазоланди.

  • 23'

    Жавоҳир Алижоновнинг марказга узатган тўпини "темирйўлчилар" вакили бартараф этди.

  • 21'

    Водийликлар позицион ҳужум уюштирмоқчи. Ўзаро қисқа паслар шунга ишора бермоқда.

  • 19'

    Ўнг қанотдан тезликда югураётган шеригига узатма берган Махарадзенинг режасини рақиблар пайқади.

  • 17'

    Ўйин асосан марказда кечмоқда.

  • 14'

    Абдуҳолиқов икки рақибидан ўтди. Аммо у зарба позициясини йўқотиб бўлган эди. Вазият унинг пасидан кейинги жамоадошининг ўта ноаниқ зарбаси билан якунланди.

  • 13'

    Ойбек Рустамовнинг марказга берган пасини жамоадошлари қабул қила олмади.

  • 11'

    Ҳозирча қўқонликлар ижросидаги узатмалар рақибларига нисбатан аниқроқ бўлмоқда.

  • 9'

    Александр Мерзляков рақибига нисбатан бироз қалтис ўйнади. Бош ҳакам Жасур Мухторов уни оғзаки огоҳлантирди.

  • 8'

    Бурчакка яқин нуқтадан жарима зарбасини амалга оширган Суҳроб Бердиевнинг уринишини рақиб дарвозабони қайтарди.

  • 6'

    Жамоалар бир-бирларини ўрганиш жараёнини амалга оширмоқда. Ҳозирча кескин ҳужумга ўтишга шошилмаяптилар.

  • 3'

    Номинал меҳмон сифатида ҳаракат қилаётган "Қўқон-1912" клуби футболчилари марказда тўп назоратини эгаллаб турибди. "Локо" вакиллари прессинг уюштирмоқда.

  • 2'

    "Темирйўлчилар" ўйиннинг илк дақиқасидаёқ бурчак тўпи ишлаб олишди.

  • 1'

    Учрашув бошланди!

  • 0'

    Икки жамоа аъзолари ҳам майдонга тушиб келди. Суперлига мадҳияси остида бир сафта жамланишди.

  • 0'

    Ассалому алайкум, муҳтарам Суперлига ихлосмандлари. Яна бир сафар биз билан эканлигингиздан жуда хурсандмиз.

Фикрлар

Саралаш
Фикр қолдириш учун авторизациядан ўтинг!