Coca Cola Superliga. "Lokomotiv" qatorasiga uchinchi g‘alabani qo‘lga kiritdi

Hozirgina Coca Cola Superliga 16-turidan o‘rin olgan "Buxoro" hamda "Lokomotiv" jamoalari o‘rtasidagi o‘yin o‘z nihoyasiga etdi. Muborakdagi "Bahrom Vafoev" nomidagi stadionda kechgan uchrashuvda "temiryo‘lchilar" 3:1 hisobidagi ishonchli g‘alabani qo‘lga kiritdi.

Temurxo‘ja Abduxoliqov, Marat Bikmaev hamda Azizbek Amonov tomonidan kiritilgan gollarga mezbonlar safida Behruz Sadilloev bir bor javob qaytardi. Shu tariqa, toshkentliklar hisobidagi ochkolar soni 21 taga etdi va jamoa onlayn turnir jadvalida 7-o‘ringa ko‘tarilib oldi. 8 ochkosi bor "Buxoro" esa 15-pog‘onadan o‘rin egallagan.