Дарвозани Франция ва Италия чемпионига топширамиз!

Tutto Mercato Web сайтининг маълум қилишича, “Челси” раҳбарияти дарвозабон масаласини ҳам ҳал қилишни режалаштирмоқда.

“Аристократлар” келаси ёзда “Милан” ва Франция терма жамоаси посбони Майк Меньянни Англияга кўчириб келмоқчи.

“Милан” голкипер билан шартномани узайтирмоқчи. Бироқ Меньян талаб қилаётган маош миланликларга оғирлик қилади. Айни пайтда уч миллион еврога яқин маош олаётган Майк янги битим бўйича ҳар мавсум учун 8 миллион евро тўланишини талаб қиляпти.

Майк Меньян 2021 йили “Лилль” сафида Франция чемпиони бўлган. Бир йилдан кейин “Милан” билан Италия чемпионлигини нишонлади.