Дастин Порье Хабибни ўрнига Фергюсонга қарши жанг қиладими?

UFCнинг  енгил вазн тоифасида амалдаги чемпиони Хабиб Нурмагомедовнинг мураббийи Хавер Мендес россиялик жангчи ва америкалик Тони Фергюсон ўртасидаги мумкин бўлган жангга тайёргарлик имкониятлари ҳақида гапирди. Мендесдан Хабибга жиу-житсу маҳоратини ўргатадиган спарринг шерик керакми деб сўрашди.

“Ҳабибга ҳеч қандай махсус спарринг шерик керак эмас. У ҳар бир яккакураш туридан машғулот ўтказиш учун керак бўлган ҳамма нарсага эга. Жамоамиз яккакурашнинг барча турларини қамраб олади ”, - деди Мендес AKA Fight News видеоблогида.

Фергюсон UFC президенти Дана Уайтдан 14 декабрь куни Лас-Вегасда UFC 245 мусобақаси доирасида Нурмагомедов билан жанг ташкил қилишни талаб қилди. Фергюсоннинг 7 сентябр куни Нурмагомедовга ютқазган ҳамюрти Дастин Порье эса бунга қарши бўлиб, бу жангда Хабибни ўрнига октагонга чиқишга тайёр эканлигини билдирди.