Де Брюйне: "Менинг мақсадим "Сити"га Чемпионлар Лигаси йўлланмасини олиб бериш"

 Кевин Де Бруйне яқинда жорий мавсум якунида “Манчестер Сити”ни тарк этишини эълон қилди. “Кристал Пэлас” устидан иродали ғалаба (5:2) қозонилган ўйиндан сўнг, белгиялик футболчи мавсумнинг қолган қисми учун ўз мақсадини айтиб ўтди. Де Бруйненинг сўзларига кўра, у “шаҳарликлар” учун Чемпионлар Лигаси йўлланмасини таъминлашни хоҳлайди.

— “Мен ушбу жамоага Чемпионлар Лигаси йўлланмасини олиб бериб, шундай хайрлашмоқчиман, чунки ЪМанчестер Ситиъ бунга лойиқ. Биз сўнгги тўққиз-ўн йил давомида Чемпионлар Лигасида ўйнадик. Умид қиламанки, кейинги мавсумда ҳам жамоа бу турнирда иштирок этади. Мен эса яхши футбол кўрсатишга ҳаракат қиламан,” — деди Де Бруйне BBC Match of the Day дастурида.

Кейинги турда “Манчестер Сити” сафарда “Эвертон”га қарши майдонга тушади.